Dapat Bobo

70th National Convention

Bakit?

It was a grand celebration. Isang buwan na pagtitipon. Zoom conferences na packed with learnings. New people and fresh opportunities. Isang perfect birthday gift para sa akin. Sakto on my twenty firth year celebration here in the Universe.

I was very much honoured that this amazing person recognized my presentation. Ilang beses nya nabanggit ang munggo habang nagsasalita on stage. Very charismatic ang talk, iyong tipo na hindi mo iisipin mag-scroll sa cellphone kung siya ang nagsasalita sa stage. I specifically liked the idea of his nmemonnic devices for PSME and the transformation of the definition of VUCA world.

Itong picture ay kuha sa isang audience participation activity from Sir Carl’s talk. Noong sinabi nya tumayo kami at makipagkamay sa sampung tao na first time namin makikilala. I felt overwhelmed and honered with the people that I’ve clasp hands with. Specially with this amazing gorgeous woman beside me at the photo above. Wala akong masabi kapag nasa harap ko siya. Siya ang walking, breathing, talking and energy radiating representation ng personality na gusto kong maging. To be a woman who carries her self with elegance and confidence. With the strength to lead and the heart to care. I can only smile and wave my hand at her presence. Basically speechless and semi-petrified.

Isa sa ikanagulat ko sa mga kaganapan ay ang offer ni Sir Simon. Ang mamuno sa isang Technical Department na sa ibang araw natin pag-uusapan. I said “yes”, tapos pagkasabi ko nito, napag-isip-isip kong wala nga pala akong alam sa paano ang ganap at mga patakaran ng mga organizations. Kako, matutunan ko din naman. Tanggapin ko ngayon, aaralin ko sa susunod. Nothing is certain yet. Exciting ang mga susunod na ganap.

Ako iyong tipo ng tao na madalang mag picture. Kapag napapadami ang selfie sa phone ko, its a sign from the world that I am feeling insecure and I seek validation from photos. When I feel normal, I rarely took photos. All of the photos above was all thanks to Sir John. A new friend that I’ve met in the event and my listening buddy at the plenary hall. Much appreciation for his companionship and patience.

Nagkaroon din ako ng opportunity na makakwentuhan at makilala ang Author na si Sir Ceasar S. Montesclaros Jr. Isa din siyang technical speaker from the Zoom conferences. Sobrang amazed ako, dahil isa sa mga gusto kong life milestone ay mag-publish ng libro na ako ang sumulat. At iyon, nakakilala ako ng isang tao na nakagawa ng aking pangarap. So much inspiration and so much learnings. I should have taken a photo with him. I must do next time we meet.

Refire

Ito iyong isang presentation na humuli sa attention ko kahapon. Mayroon akong tanong na hindi ko naitanong kaya hindi ko malimutan. Kaya isusulat ko talaga dito. I have the following excuse kung bakit hindi ko naitanong:

• Nilalamig ako to the point of shivering na hindi ako sigurado kung kaya ko bang hawakan ang mic
• Naka-dress ako, which is not a normal life event and I felt self conscious to the point na hindi ako tumatayo hanggat di pa nag-aalisan ang ibang mga tao sa likod.
• Ayoko magpakilala, sa Zoom conference kasi may option to ask anonymously, sa F2F walang ganun.
• Simply say, I have esteem issues which I am currently working out to eliminate.

Anyway, ang tanong ko ay: When?

Sa tanya ko, ang career ko ay nasa bandang dulo ng Start at nagsisimula na Growth phase. Sa red line sa drawing sa taas.

If, I have idea, have education and training and in the process of infinite learning, have experience and can work out the funds.. When should I start? Must I refire at an early stage? Should I wait for Maturity? or there is a different path? can you keep the career and the pursuit of a chosen purpose?

Further is a sincere appreciation to my current workplace. Lalo kay Mam Lea na sumusuporta sa mga personal endeavours at gumagabay sa mga bagay-bagay na mahalaga. Salamat sa mga meaningful na kwentuhan at pag-alalay sa mga scope of work activities kung saan kamote ako. Sa caption ng image hindi ako naglagay ng honorofics Sir/Mam dahil iyon ang practice na gusto ni Tiago. The company Country Manager of SEMEQ. Naging possible ang mga pangyayari dahil sa support nila. Kay Ger, thanks sa mga reminder at encouragement.

Also, I’d like to extend gratitude to the previous workplaces. Sa Controtek at A-MECH Engineering. Ito ang mga lugar na naghubog sa kung sino ako ngayon. Salamat kay Ate Mariet at Kuya Andrew na patuloy na nakaka-usap at sumusuporta kahit hindi na ako bahagi ng kanilang kumpanya.

The biggest part of me is the family. Salamat sa patyaga at pag-unawa. Mula nang isang estudyante na nagpupumilit makalusot sa kolehiyo at sa board exam. Sa mga Tito, Tita, Pinsan, kay Ama, Ina at Ate. Wala ako, kundi dahil sa inyo. Salamat po!

Bakit?

The crowd is overwhelming me. The clothes make me uncomfortable. The idea of meeting high calibre stranger makes me want to run home and read a book instead. I had to ask why. I must know why. Why do I subject my self to situation that is challenging and stretching my current reality.

Habang walang galaw ang traffic mula sa PITX kahapon, nag pop-up iyong sagot sa utak ko.

Gusto kong maging mayaman na magsasaka. Iyong gumagamit at nag develop ng makina para sa agriculture industry. Para ang next generation, pwede sila maging proud na magsasaka. Oo mahirap ngayon ang process (halos lahat primitive), pero may magagawa para magbago. (gagawing mechanized) in the future pwedeng (Agriculture) x (Automation) x (AI) x (Sustainability)….. AIoT – Agricultural Internet of Things??

No one

Special thanks to: Sir Brian Tuazon, Abstract and Full Paper was selected because of your support and guidance.